Më 27 maj në qytetin e Pizës u zhvillua një takim i rëndësishëm rrjetëzimi mes RIDA – Rrjeti i Bizneseve Shqipare në Itali dhe Italico Business Club nga Roma.

Një atmosferë e hapur bashkëpunimi dhe shkëmbimi idesh dhe projektesh bashkoi sipërmarrës nga Pisa, provincat toskane, por edhe nga Roma, Rovigo, Caserta, Cosenza dhe Tirana.

Kryetari i Rrjetit të Italisë, dr. Vat Marashi Italia Rida, ndau përshëndetjet e Rrjetit Global të Bizneseve Shqiptare dhe ftoi të gjithë të marrin pjesë në Samitin e vitit 2026.

Ai theksoi edhe suksesin e takimit të mbajtur para pak ditësh në Prishtinë me mbi 300 pjesëmarrës nga Europa dhe Australia.

U theksua rëndësia e fuqizimit të sipërmarrësve shqiptarë në Itali dhe potenciali për zhvillim të qëndrueshëm përmes bashkëpunimit, inovacionit dhe mbështetjes institucionale.

Në takim morën pjesë edhe figura të rëndësishme si nënkryetari i bashkisë së Pizës z. Raffaele Latrofa dhe z. Fulvio Barion nga sindikata ConfimpreseItalia.

Gjatë eventit, z. Gentian Musta u emërua Koordinator I Rrjetit për rajonin e Toskanës.

Takimi i radhës: më 21 qershor në Spezzano Albanese, Kalabri. Një tjetër hap i rëndësishëm për ndërlidhjen e rrënjëve arbëreshe me të ardhmen e përbashkët të sipërmarrjes shqiptare në Itali.