Më 28 nëntor 2026, në Vjenë, do të organizohet për herë të gjashtë Panairi i Bizneseve Shqiptare dhe Takimet B2B, një ngjarje e konsoliduar që ka sjellë rezultate konkrete për bizneset shqiptare në diasporë dhe në trojet shqiptare.

📍 Lokacioni dhe detajet përfundimtare do të publikohen së shpejti.

Krahas bizneseve shqiptare të themeluara në Austri, në panair do të marrin pjesë kompani nga Kosova, Shqipëria, Maqedonia e Veriut dhe Lugina e Preshevës.

Një pjesë e rëndësishme e aktivitetit do t’u kushtohet takimeve B2B, të cilat do t’u mundësojnë kompanive të prezantojnë ofertat e tyre, të krijojnë kontakte të drejtpërdrejta dhe të zhvillojnë mundësi të reja bashkëpunimi në Austri dhe në tregjet evropiane.

Falë rrjetëzimit dhe takimeve të zhvilluara gjatë edicioneve të mëparshme, shumë kompani pjesëmarrëse kanë krijuar partneritete të qëndrueshme dhe sot eksportojnë produkte e shërbime në Austri dhe në vende të tjera të Evropës.

Në panair do të prezantohen kompani të vogla, të mesme dhe të mëdha nga sektorë të ndryshëm, si:

• ndërtimtaria;

• gastronomia;

• teknologjia informative;

• media dhe marketingu;

• patundshmëria;

• prodhimi dhe tregtia;

• shërbimet profesionale;

• si dhe shumë fusha të tjera.

Vizitorët do të kenë mundësinë të njihen me biznese të suksesshme, të zbulojnë produkte dhe shërbime të reja, si dhe të gjejnë partnerë e zgjidhje konkrete në një vend të vetëm.

Eventi do të transmetohet edhe në kanalet televizive të Kosovës dhe të diasporës, duke u ofruar bizneseve pjesëmarrëse ekspozim dhe promovim të gjerë.

📅 28 nëntor 2026
📍 Vjenë, Austri
🎟 Hyrja për vizitorët është pa pagesë.

Ejani të njihemi, të krijojmë lidhje të reja biznesore dhe të ndërtojmë bashkëpunime që sjellin rezultate reale!

📌 Linku për regjistrim do të publikohet së shpejti.