Më 28 nëntor 2026, në Hilton Vienna Waterfront, organizohet për herë të gjashtë Panairi i Bizneseve Shqiptare në Austri.

Panairi do të bashkojë biznese nga Austria, Kosova, Shqipëria, Maqedonia e Veriut, Lugina e Preshevës dhe vende të tjera të Evropës. Përmes prezantimeve, takimeve B2B dhe rrjetëzimit të drejtpërdrejtë, pjesëmarrësit do të kenë mundësi të krijojnë kontakte të reja, të prezantojnë produktet dhe shërbimet e tyre dhe të hapin rrugë drejt bashkëpunimeve dhe tregjeve të reja.

Krahas panairit, programi përfshin edhe darkën solemne për nder të Festës së Flamurit. Hyrja në panair për vizitorët është pa pagesë, ndërsa bizneset mund të zgjedhin ndërmjet paketave të ndryshme të pjesëmarrjes, prezantimit dhe partneritetit.

📅 28 nëntor 2026
📍 Hilton Vienna Waterfront, Vjenë
🎟️ Hyrja për vizitorët është pa pagesë

Për të gjitha informacionet, paketat e pjesëmarrjes dhe regjistrimin, vizitoni faqen zyrtare të panairit.