Bizneset e Kosovën e shohin si mundësi të jashtëzakonshme dhe çdo vit interesimi për pjesëmarrje po rritet më shumë.

Sivjet kjo konferencë si asnjëherë më parë mbushi sallëm e madhe të hotelit Emerald dhe bizneset që ishin pjesë e takimeve b2b nuk pushuan asnjë moment. Energjia, njoftimi mes vete dhe mundësia për bashkëpunime vërehej nga të gjithë.

Kjo konferencë dy ditore – ishte ndër më të suksesshmet deri tani.

Ngjarja mblodhi qindra përfaqësues të bizneseve nga diaspora dhe nga rajoni, duke ofruar një hapësirë të rëndësishme për takime B2B, panele diskutimi dhe vizita në biznese vendore.

Kryetari i Rrjetit Global të Bizneseve Shqiptare, Omer Nura tha se rrjetëzimi i bizneseve të diasporës me ato të Kosovës padyshim që forcon ekonominë e Kosovës dhe kjo lidhje është forca kryesore për ndryshime pozitive.

Kryetari i Komunës së Prishtinës, Përparim Rama tha se shumë kompani të suksesshme të diasporës nëpër vende evropiane, po hapin degë edhe në Prishtinë, duke ndihmuar edhe vendin.

Rama tha se në kryeqytetin kosovar ka një ekosistem të mrekullueshëm për inovacion dhe sipërmarrësi.

Konferenca siç ndodh tradicionalisht u përmbyll me darkën dhe ditën e dytë u realizuan vizitat në bizneset vendore.