Për të tretin vit radhazi, kjo konferencë mbledh bashkë biznese, investitorë dhe përfaqësues të institucioneve për të diskutuar mundësitë ekonomike dhe sfidat në Luginë.

Në fokus: krijimi dhe fuqizimi i rrjetit të prodhuesve vendorë në bashkëpunim me partnerë ndërkombëtarë, si dhe sensibilizimin mbi gjendjen aktuale ekonomike në Luginën e Preshevës.

Temat që do të trajtohen:

1. Prezantimi i projektit “Hambari i Luginës” – Vënia e gurthemelit.

2. Kapacitetet dhe cilësia e prodhimeve vendore.

3. Mundësitë për plasim në tregjet ndërkombëtare.

4. Problemet dhe pengesat e prodhuesve në territorin tonë.

Gjatë kësaj konference do të zhvillohen diskutime publike me përfaqësues të rrjeteve të bizneseve dhe odave ekonomike nga Kosova, Shqipëria, Maqedonia e Veriut, Zvicra, Austria, Gjermania, Turqia, Finlanda, Belgjika, Franca, Italia, si dhe me prodhues vendorë, me synimin për të krijuar ura bashkëpunimi dhe për të mundësuar promovimin dhe plasimin e produkteve të prodhuara në Preshevë, Bujanoc dhe Medvegjë.

Në kuadër të kësaj ngjarjeje, panelistë do të jenë ekspertë të fushës së bujqësisë, përfaqësues të rrjeteve ekonomike ndërkombëtare, si dhe prodhues vendorë të suksesshëm.

Data: E premte, 07 nëntor 2025 Ora: 10:00
Vendi: Shtëpia e Kulturës “Abdulla Krashnica”,
Rruga “15 Nëntori”, Nr. 90, Preshevë.

Kontakt: unioniafaristeve@gmail.com

Sponsorizo një iniciativë që ka ndikim të drejtpërdrejtë në rajonin e Luginës.
Bëhu pjesë e tryezës ekonomike, prezanto idenë tënde dhe lidhu me investitorë.