Me një pjesëmarrje mbresëlënëse prej rreth 350 bizneseve nga diaspora dhe Kosova, për dy ditë me radhë u zhvillua ngjarja ekonomike që shënoi 10-vjetorin e themelimit të Rrjetit Global të Bizneseve Shqiptare.

Ky jubile ishte një event reflektimi dhe vizioni për të ardhmen: me forume, diskutime, rrjetëzim dhe prezantim bashkëpunimesh konkrete që fuqizojnë lidhjet ekonomike shqiptare anembanë botës.Në fjalën e saj, Kerry Monaghan-Hogler, zëvendësdrejtoresha e Misionit të USAID-it në Kosovë, theksoi:

“Puna e këtij rrjeti për të bashkuar Kosovën dhe diasporën e saj rreth tregtisë ka sjellë mundësi të jashtëzakonshme. Këto përpjekje po e përgatisin Kosovën për të zënë vendin e merituar në skenën botërore.”

Kryesia e Rrjetit nderoj bashkëpuntorët dhe kontribuesit e Rrjetit me mirënjohje për angazhimin e tyre në misionin tonë. Ngjarja përmbylli një dekadë suksesi me energji të re për kapitullin e ardhshëm, ku bizneset shqiptare, të lidhura përtej kufijve, vazhdojnë të rrisin ndikimin e tyre në zhvillimin ekonomik të vendit dhe rajonit.